Tel Aviv, October 29, 2023: Gaza laka organization keh aid dibo kanre Elon Musk para internet connectivity dibo kui nah plan ekta propose kuri shae Hoile b Israel para etu proposal tho salm kuri shae. Israel para Hamas kan etu laka faita utha b kui shae.
“Electricity aro internet connectivity taka b nataka karne, Starlink para internationally recognized aid organization kuto Gaza deh ase taikan keh connectivity support dibo,” Elon para X deh kui shae.
Musk para announcement tho United States representative laka statement ekta deh jawab dia ase.
Alexandria Ocasio-Cortez para Gaza deh communications kati dia tho “unacceptable” ase kui shae.
Starlink tho satellite laka constellation ekta ase kuto 60 laka upor countries kan keh internet connectivity deh. Musk laka California-based SpaceX spacecraft manufacturer para StarLink keh operate kureh, ekta launch service provider keh.
Israeli Communications Minister Shlomo Karhi para etu idea tho X deh criticize kuri shae. “Israel taikan ki chubo pare sob chubo etu kili bole. Hamas tho etu terrorist activities karne chubo. Etu kotha tho ekdum sure ase aro mukan jane, Musk b janeh etu tho. Hamas tho ISIS ase. Musk para etu tho taikan mukan laka sob bacha aro manu kan keh release kura piche deh heh dibo kui nah papna kuri bo pareh. Taikan sob keh! Enaka time deh tho mui laka office Starlink lokot ties ki ase sob kati dibo.”
Israel para Friday din Gaza Strip deh internet baro communications pura kati di shae, 2.3 million nishi nah manu kan bahar dunia para kati nah ase. Etu karne bishi wak kobor kan tho nahia hui shae.
Add Comment