New Delhi, November 1 : Apple laga ‘hacking’ mamla te BJP para chola Centre para Opposition party khan logotey laga lagi kora tu Wednesday din te aro bisi biya hoijaisey . Etu tu Congress party para etu mamla te Lok Sabha laga standing committee ke Information aro Telecommunication laga controversy(jhamila chuli thaka) te ekta investigation demand kuribole diya picheyte aro bisi biya hoisey. Lok Sabha Standing Committee laga etu mamla te eku adhikar nai koikina, BJP MP Nishikant Dubey para koisey ki etu panel ke Shashi Tharoor nohoilebi Rahul Gandhi(duijun bi congress leader) para chola nohoi hoilebi Lok Sabha laga nyom aro kanoon hisap te asey.
Tai para X(Twitter ) te enaka likhisey, “ Etu desh tu newspaper khan te statement dikina pressure banaikina nocholai. Standing Committee on Information and Telecommunications tu Shashi Tharoor para head nokora hoisey nahi Rahul Gandhi para etu ke cholai asey. Etu committee tu Lok Sabha laga rules laga under te choley.”
Tai para dawa kurisey ki Lok Sabha laga nyom hisap te, etu panel para Apple company para phone te alert path ate jaanch kuribo naparey kilemaney etu tu Central government aro police laga purview under te girey.
Tai para koisey ki taikhan laga Lok Sabha standing committee kuntu laga tai bi ekta hisa asey etu para etu mamla te meeting rakhibole naparibo.
Congress laga MP Karthi Chidambaram para Wednesday din te koi thakisey ki tai para etu Lok Sabha standing committee laga chairperson, Prataprao Jadhav ke Apple para politicians khan ke “state-sponsored warning” diya laga against te taikhan laga against te investigation kuribole demand kurikina chitthi likhisey.
Add Comment