Agartala, Tripura, 4 November : Tripura para ekta bondh rakhishey zinda gahori transportation laga upar dey state laga pitor dey African swine phukar detect kuria karoney.
Itu outbreak dey jawaab dina, Animal Resources Development Department (ARDD) para ekta notification issue kurishey, zinda gahori nahuiley garohi laga laash pitor dey aniwoley maana kurishey state laga bahar para ekta prior no-objection certificate nahua agey dey ARDD department para Tripura Government laga.
Itu order para janai dey ki consignments arriving via rail nahuiley raasta para ahiwoley nadiwo state laga designated entry point khan dey, Transportation of Animals Rules 2001 laga Rule 96 logot complaince dey, Prevention of Cruelty to Animals Act, 1960 logot.
Itu toh kuribo lagey state government para establish kuria standard operating procedures (SOPs) logot adhere kurina.
Itu logot milaina, itu janwar laga health aro vaccination status toh ARDD officials para verify kuribo lagey, aro ekta minimum 48 gondha advance notice diwo lagey ARDD laga director ke state laga entry point dey eku gahori consignment khan nakhusia agey dey.
Agey aro, itu notification para kui ki commercial purposes karoney eku gahori (i.e., gahori mangso) toh state dey ghusiwo paribo, breeding stock namilaina.
Add Comment