Gangtok, November 6 : Sikkim laga Chief Minister Prem Singh Tamang para announce kurisey ki 2024 para suru hoikina rajya te “Best Private School” laga award dibo.
Etu nutun suruat kora laga aim tu private school khan te pora likha te bisi bhal kora school khan ke chinibole aro rajya aro etu laga charta side te thaka area khan te pora likha laga standard barabole laga asey.
Etu announcement tu Sikkim laga Mount Zion School Tadong para November 6 te Saramsa Garden te State Education Awards organise kora homoitey kurisey.
Etu Chief Minsiter para janaisey ki etu award tu utu school khan ke dibo kun khan ke local manu khan para cholai asey. Aro etu award laga poisa laga 25% hisa tu khali teacher khan nimitey hey cholabo lagey koisey aro koisey ki etu tu ahibole homoitey private school khan nimitey incentive nisna kaam kuribo.
Sobsey bhal perform kora school para Rs 20 lakh laga cash prize pabo aro etu laga second te thaka school para Rs 15 lakh laga award pabo. Aro third position te thaka school para Rs 10 lakh pabo.
Add Comment