Guwahati, November 8 : Assam Police para Wednesday (November 8) te Congress MLA Aftabuddin Mollah ke pujari, namghari(hindu khan bhagwan ke puja kora ghor te thaka manu) aro sadhu khan laga opor te biya comment diya nimitey arrest hoisey.
Etu mamla te, Dispur Police Station te Section 295(a)/ 1553A (1)(B)/505(2) IPC laga under te ekta case register hoisey.
Media ke kotha kurikina Assam Police laga ekjun senior officer para koisey, “ Arrest huwa Congress leader laga naam tu Aftabuddin Mollah asey aro tai tu Assam laga Jaleswar jaga laga sitting MLA asey.”
Etu MLA para November 4 te tailaga speech(bhasan) disey kotey tai para pujari, namghari aro sadhu khan laga biya kotha koisey.
Guwahati laga Bhetapara jag ate boha ekjun manu para Mollah para pujari, namghari aro sadhu khan laga biya kotha kora nimitey tai laga against te ekta FIR file kurisey.
Etu FIR te enaka mention kurikina asey ki etu MLA para Hindu community laga dhormic bhabna te thej pungchaisey. Aro tai para kotha kuwa hisap para Muslim aro Hindu majoteydushmani tu baraidibo parey.
Assam laga Congress president Bhupen Borah para November 7 te MLA Aftabuddin Mollah ke ekta show cause notice issue kurisiley.
Add Comment