Imphal, November 8 : Wednesday (November 8) te Manipur laga Ukhrul town te hazar opor manu bisi bhak tribal student khan para Indo-Naga peace process ke joldi kuribole laga demand kurikina ekta rally te bhak loisey.
Etu rally ke, Tangkhul Katamnao Saklong (TKS) students’ union para organize kurisey aro etu rally te India laga sarkar aro New Delhi te Nagaland laga National Socialist council (NSCN- IM) majotey etya culi thaka peace talk(shanti laga kotha) nimitey support dikhaisey.
Etu rally te bhak luwa manu khan para “Implement Framework Agreement”, “Amikhan ke solution lagey” aro “Collective Leadership logotey ekey logotey Khara Hoikina Asey” koikina nara lagaisey.
Wung Tangkhul Region laga ekjun leader, Ayung Sayai para koisey, “Flag aro constitution(nyom aro kanoon) te diri hoi asey, kuntu tu amikhan laga asli mamla asey. Amikhan laga asli mamla te eku bhed bhav nukuribo.”
Tangkhul Katamnao Saklong (TKS) laga vice-president Omry Ningshen para samjhaisey ki etu rally tu duita karon nimitey organize kurisey : kta tu Centre para Indian sarkar aro naga khan laga majotey shanty laga process tu olop joldi kuribole aro NSCN/GPRN laga banner laga under te baat-chit kora te Naga manu khan laga izazat nohoilebi instruction thakibo.
India laga sarkar aro Naga group majotey duita ceasefire agreement, ekta tu 1964 te aro dusra tu 1997 te NSCN-IM logotey kora tu baat-chit aro negotiation kuribole modod laga irada para kurisiley. Hoilebi etu picheyte bi, taikhan para aji tak bhal result dibole nakamyab hoisey.
NSCN-IM tu alag flag aro constitution laga mamla te India laga sarkar logotey ekta agey baribole napara laga situation te asey.
Add Comment