Guwahati, November 8 : Assam laga sarkar para Tuesday din te ekta Cbinet meeting rakhisey kotey taikhan para rajya te 10ta cancer hospital banabole nimitey Assam Cancer Care Foundation (ACCF) te komsikom Rs 135 crore poisa invest kuribole faisla kurisey.
First phase te, sarkar para 3ta hospital banabole asey aro second phase te aro 7ta hospital banabole asey.
Silchar, Guwahati aro Diphu te hospital bana laga first phase te Rs 135 crore maan laga khorcha hobole asey kuntu tu rajya laga sarkar para dibole asey.
Second phase te Dhubri, Nalbari, Goalpara, Golaghat, Nagaon, Sivasagar aro Tinsukia district te 7ta cancer hospital banabole asey.
Tourism laga state minister, Jayanta Malla Baruah para reporter khan ke koisey, “Ekbar complete huwa picheyte, etu hospital khan para kosikom 8,000 naukri olaidibo.”
Gorib manu kahn ke healthcare logotey bhal para support kuribole nimitey, minister laga council khan para “Free Drugs and Consumables for Government Hospitals” laga under te Rs 133 crore poisa bhak kuribole faisla loisey kuntu te Tea Garden Hospital khan bi shamila sey.
Add Comment