North Korea, 9 November : Ekta duniya kutey desh khan bishi par complicated relationships thakey North Korea logot, Sweden laga single complaint itu desh laga regime dey thakia toh olob unexpected asey: ekta debt kuntu 49 saal upar nadina asey aro interest logot uthi asey.
North Korea para ekta order rakhishey 1,000 Volvo 144 models karney aro alag mechanical samaan $73 million daam laga Swedish companies logot 1974 dey. Huilewi, North Korea para itu order karney kitia bhi puisa dianai, aro itu nadina jaa 5 decades karney asey, itu total toh approximately $330 million nishina tak uthishey.
Newsweek hisab dey North Korea para Western industrialised desh khan logot foreign capital aro technology dey tai laga acess expand kuriboley samaan import kuria shuru kurishey. Itu desh para tai laga creditors ke either future production nahuiley mining samaan para derawoley vadaa kurishey, huilewi julti hi jani jaishey ki itu regime para tai laga debt derawoley eku iradaa nai.
Internet para North Korea para Volvo gaari khan laga puisa nadera laga kahani ani thakey, gaari laga photo khan logot, manu khan laga interest anina itu ajeeb transaction dey.
Yatey tweet ekbar asey Swedish Embassy para post kuria laga 2016 dey: “Itia tak takot para jai asey. 1974 laga ekta Volvo laga puisa itia tak dianai DPRK para. Taxi ekta nishina julai asey Chongjin dey.”
North Korea itia tak itu gaari khan chulai, aro bishi pak khaas kaam karney. NPR laga ekta report hisab dey, US journalist Urban Lehner ekta speeding Volvo 144 sedan dey savari kurishey tai laga tui haafta trip thakia homoi North Korea dey 1989. Tai yaad ahey ki visiting journalists khan itu gaari khan dey savari kurishey aro raasta khan bishi khaali thakishey ki driver khan bishi pak raasta dey aaram para julai thakishey.
Add Comment