Dibrugarh, November 9 : Assam laga Charaideo district laga Moranhat koikina jag ate thaka St Joseph’s High School laga ekjun class 9 student, Chaitanyamoi para Queen’s Commonwealth Essay Writing Competition- 2023 te izzadar bronze medal jitisey.
Tai para likha essay laga topic tu “Umar tu mainey rakhey na nai? Etu thakisey. Etu competition tu London laga Royal Commonwealth Society para organise kurisiley aro etu competition te 34,924 student khan bhak loisey.
Queen’s Commonwealth Essay Competition (QCEC) tu school khan nimitey duniya laga sobsey purana international writing competition asey aro etu ke Royal Commonwealth Society para 1883 para loikina utu homoi laga Queen(rani) laga naam te organise kurikina ahi asey.
Juwa 10 saal ekla te, etu competition te 1,70,000 para bisi jawan manu, 5,000 opor school aro 1,000 volunteer judge khan kaam kurisey.
Poila te jita bisi manu khan tu nijor nijor laga field te leader hoikina ahi asy, jaiseki Singapore laga Prime Minister, Lee Hsien Loong.
Chaitanyamoi tu ekta talented 14 saal laga chokra asey kun 8 saal laga umar para likha ke loikina bisi joshila thakisey. Aro tai tu poila te bi international essay likha competition khan te bisi award jitisey.
2019 te bi tai para Queen’s Commonwealth Essay competition te Silver medal paisiley.
Add Comment