Gangtok, Novemebr 10 : MK Subba, Sikkim Democratic Front (SDF) laga Chief Spokesperson para November 10 te Ministry of Home Affairs ke Shri Pawan Chamling laga behalf te ekta memorandum submit kurisey kuntu te India laga sarkar ke olop din ageyte Sikkim laga South Lhonak Lake Glacial Lake Outburst Flood (GLOF) te ekta CBI investigation suru kuribole request kurisey. Etu tehes-mehes kuridiya laga ghotna, kuntu toh 2023 laga October 3 aro 4 te hoisey etu ghotna te ekso opor manu laga jaan jaisey aro Sikkim laga public aro national infrastructure (rasta, building, saman khan) ke barbad kurikina rakhidisey.
Etu memorandum te GLOF laga asurit kuridiya consequence janaisey, aro manu khan laga jaan ja tu puhor te anisey, property khan barbad hoijaisey aro rajya aro desh laga dhon sampati tu bisi biya para barbad hoijaisey. Aro etu te National Highway 10 aro Teesta Stage 3 dam bi shamil thakisey.Etu memorandum te dangor kotha tu Sikkim Chief Minister Shri PS Golay para etu barbadi aha laga jankari poila para jana laga bayan diya laga thakisey. Subba para Golay ke etu barbadi ahibole laga jankari advance para janikina thaka laga iljam lagaisey. Subba para Golay ke public ke homoitey jankari dibole nakamyab huwa aro bhal para management kuribole napara laga iljam lagaisey. Aro etu October 6 aro October 16 te, etu Chief Minister para press conference kora te garbari thaka tu point out kurisey. Etu memorandum te enaka samjahisey ki joldi aro hik thak jankari doya para manu khan laga zindagi aro property khan ke bacchabole pari thaksiey.
Add Comment