Guwahati, November 10 : All India United Democratic Front (AIUDF) para Badruddin Ajmal laga leadership under te taikhan laga party para Assam te 2024 te hobole thaka election te 14 Lok Sabha seat majotey 3ta seat te election contest kuribole laga plan janaisey. Etu announcement tu etu party laga MLA Rafiqul Islam para kurisiley.
AIUDF nimitey chuna seat te, Dhubri, Karimganj aro Nagaon Lok Sabha constituency shamil asey. Taikhan laga poila laga kamyabi ke emphasize kurikina, Islam para etu mention kurisey ki etu party para poila te, Karimganj laga seat jitisiley aro Badruddin Ajmal tu etya Dhubri Lok Sabha Constituency nimitey incumbent MP laga position dhuri asey. Etu baar, etu party para Nagaon Lok Sabha seat te jeet hasil kuribole te focus kuribole aim kuri asey.
Taikhan election nimitey tayar thaka te pura biswas jataikina, Islam para etu koisey ki AIUDF tu ekta jordar campaign nimitey tayar asey aro taikhan tu Bharatiya Janata Party (BJP) laga khilaf te election laribole determined asey. Tai para enaka koisey, “Amikhan logotey ekta dangor vote bank asey, aro rajya laga baki 11 Lok Sabha seat te thaka amikhan laga supporter khan para BJP ke vote nidibo.
2019 laga Lok Sabha election te, AIUDF para khali ekta seat hey paisey, Assam region te 7% vote share apikina. Etu party para Karimganj aro Barpeta te election larisiley, aro etu duita jag ate bi taikhan 2014 te election jitisiley.
Add Comment