Imphal, November 12 : Manipur laga Kangpokpi district kuntu ke Kuki-Zo community khan para dominate kurikina asey etu jaga te Committee on Tribal Unity (CoTU) para 48-hour laga total shutdown rakha picheyte Sunday din te 2nd din nimitey normal kaam khan tu rukhijaisey. Etu bandh rakha tu duijun student haraija laga case te police para duijun tribal ke arrest kora ke charidibole laga demand kuribole nimitey rakha asey.
November 11laga phujur 6 :00 am te suru huwa etu bandh tu November 13 laga phujur 6:00 am tak chulibole asey.
Private gari khan aha juwa kora tu rasta para dur thakisey aro 100 opor supporter bisi bhak maiki khan bandh chuli thaka homoitey, Kangpokpi town laga National Highway – 102 te jama hoisey aro bandh ke enforce kurisey.
Sob dukan, business establishment aro school, college khan bandh laga first din, Saturday te bon thakisey.
Hoilebi emergency service jaiseki presss aro CoTU khan tu bandh para azad thakisey.
Duijun Kuki manu, Lhunkhosei Chongloi (30 years laga) aro Satgohgin Hangsinh(28 years laga) ke police para arrest kurisiley. Taikhan duijun bi Kangpokpi district te boha manu asey. Taikhan duijun ke bi police para Imphal West district laga Lamsang jaga laga duijun student, Avinash Maibam (16 years laga) aro Ningthoujam Anthony (19 years laga) November 5, 2023 te te red zone fale bike cholaikina ja picheyte haraijaikina dui din huwa picheyte arrest kurisey.
Etu arrest huwa manu khan ke November 17, 2023 tak kanooni custody te rakhisiley.
Add Comment