November 17, 2023: TikTok deh Osama Bin Laden laka letter viral hui jah tho nutun generation laka majo deh kotha kan ola shuru hui shae. Manu bishi para Israel kan Palestine occupy kura tho aro US kan Israel keh support kura tho international law laka violation ase kui ase. Etu he nahoi nah Osama Bin Laden kile hamla kuri shae aro itia laka Israel-Hamas war deh connection banai ase. Enaka hua karne Gaza deh ceasefire hobo leh mangi ase aro manu kan etu jaka deh US laka role ki ase, etu deh kotha kuri ase.
Ekta deleted TikTok video deh, ekta user para etu kui shae,” Middle East, 9/11 aro ‘terrorism’ laka kotha kuto mukan hiki shae, etu kan pura misa ase”. Alak user para aro etu kui shae,”Itia mui nijor laka country keh puila nishi nah nasa bo”.
TikTok kan tho aro enaka nishi videos keh delete kuri ase. “Content kan kuto etu letter promote kuri ase, etu content kan mukan laka rules kan violate kuri ase terrorism laka support deh. TikTok deh enaka nishi nah video tho komti ase aro etu mukan laka platform deh trend hui ase kwa tho thik nahoi”. TikTok para X deh liki shae.
Osama bin Laden laka letter tho Us foreign policy keh criticize kureh. Letter antisemitic statements aro violent kotha kan ase. US kan Israel para Palestine keh occupy kura laka support kura b address kureh.
Add Comment