Chennai, November 17 : Tamil Nadu te 7ta kisan ke rajya Goondas Act laga under te book kurisey. Etu tu kisan khan para Cheyyar district te thaka Melma busti te taikhan laga zameen loiluwa nimitey protest kora karney asey. Etu project suru huwa matlab tu State Industries Promotion Corporation of Tamil Nadu Ltd (SIPCOT) para taikhan laga zameen loilobo.
Etu kisan khan tu etya 100 din opor protest kuri asey. Activists(samaj tea was utha manu) khan para kuwa hisap te, etu kisan khan tu SIPCOT project laga aginst te etu nimitey protest kuri asey kilemaney etu project te 3,000 opor acres laga kheti bari bhija kora bhija mati kina laga mamla shamil asey.
Etu protest kora laga mamla te police khan para 20 maan kisan ke arrest kurisey. Etu arrest tu August moina te etu protest kora kisan khan laga against te bisi FIR file kora laga hisap te kurisiley.
Etu FIR khan te dikhaisey ki taikhan ke Indian Penal Code (IPC) laga Section 147 (manu khan laga shanty barbad kora nimitey), 341 (misamisi rokha nimitey), 294 (b) (hunibole bhal nathaka kaam aro gana khan), 506 (1) (criminal dhomki diya), 283 (public laga rasta te khatra nohoilebi badha ana), 290 (public te badha ana nimitey), 109 (manu khan ke galat kaam kuribole laga hosla bara nimitey), 143 (gair kanooni tarika para jama huwa nimitey) aro 353 (public servant ke duty kuribole para rokhabole nimitey criminal tarika chola) aro Tamil Nadu Public Property Act, 1992 laga Section 3 te charge kurisey.
Etu arrest huwa kisan khan laga bail laga hearing huwa homoitey, rajya laga sarkar para ekta submission kurisey ki taikhan para 7jun kisan ke book kuribole plan kurisey kun khan Goondas Act laga under te etu protest laga hisa thakisey.
Etu picheyte, etu 7jun kisan laga laga against te district collector para Goondas Act laga under te ekta detention order(arrest kuribole laga order) issue kurisey.
Add Comment