Chandigarh, November 17 : Punjab aro Haryana High Court para Friday din te Manohar Lal Khattar laga sarkari naukri bisara manu khan ke kun khan logotey domicile asey taikhan ke private sector te 75% reservation dibole laga sarkari kanoon ke reject kuridisey.
Etu order tu Justice GS Sandhawalia aro Haroreet Kaur Jeewan para pass kurisiley.
Etu wakil laga bench para bisi alag alag industry bodies khan para aro Gurgaon Industrial Association para bi 2021 te court te file kora petition laga hearing (sunuwahi) kuri thakisey.
Etu kanoon, Haryana State Employment of Local Candidates Act, 2020 para private sector laga naukri te, local youth khan ke 75% reservation disiley kuntu para moina te Rs 30,000 para komti salary offer kuri thakisey. Etu kanoon tu 10 saal nimitey applicable thakibole laga thakisey.
Industry bodies khan para behes kurisey ki etu kanoon tu nyom hisap te thankanai aro qualification nohoilebi laik thaka nimitey naukri pa laga khilaf te thakisey kuntu tu business ke barabole aro competitive rakhibole nimitey jaruri asey.
Etu petition diya manu khan para janaisey ki enaka kora para company laga productivity, competitiveness aro rajya te corona ola picheyte industry ke loss para recover kuribole thaka ke affect kuribo.
Khattar laga sarkar para dusra fale behes kurisey ki etu kanoon tu khali rajya laga classification hisap te hey bana laga asey kuntu toh Constitution laga under te allowed asey.
Khattar laga sarkar para enaka koisey, “ Etu tu rajya te boha manu khan laga zindigi/ kamaikina kha laga haak ke bachabole aro taikhan laga gao, thaka laga condition aro employment(naukri pa) laga haak ke bachabole nimitey asey.”
Etu mamla te faisla huna laga detailed copy tu etya bi ahibole bakia sey.
Add Comment