New Delhi, Novemeber 21 : National Council of Educational Research and Training (NCERT) para social science laga school curriculum ke revise(bodli) kuribole nimitey bana ekta high-level committee para textbook khan te Ramayana aro Mahabharata nisna ekta lamba poem shamil kuribole aro classroom laga wall khan te Preamble of the Constitution likhibole recommend kurisey. Etu jankari tu etu committee laga chairperson CI Isaac para Tuesday din te disey.
Etu 7ta member thaka committee, kuntu ke juwa saal banaisey etu committee para social science subject te taikhan laga final position paper nimitey bisi alag alag recommendation disey kuntu tu nutun NCERT textbook banabole nimitey foundation dhalibole karney ekta jaruri nyom laga hisap te thaka document asey.
Etu committee laga recommendation(enaka kuribo lagey koikina salah diya) laga opor te etya 19-member National Syllabus and Teaching Learning Material Committee (NSTC) para bhabna kuribole asey kun khan ke July moina te etu class khan nimitey curriculum(subject khan te ki ki sikhabole asey etu), textbook aro sikhibole laga material khan ke final kuribole notify kurisey.
NSTC para olop din ageyte Social Science nimitey ekta Curricular Area Group (CAG) banaisiley taki etu subject nimitey syllabus khan aro Teaching-Learning material khan banabo paribo.
Class 7 para 12 tak laga student khan ke Ramayana aro Mahabharata sikhabole jaruri asey koikina, Issac para koisey, “Etu committee para student khan ke social science laga syllabus te Ramayana aro Mahabharata nisna lamba poems khan sikhabole koisey. Amikhna para enaka bhabna korey ki student khan taikhan laga teenage(13-19 years majotey) te thaka homoitey atma somman, desh bhakt aro taikhan laga desh opor te garv huwa laga bhabna develop hoi. Hodai saal hazar opor student khan taikhan laga majotey desh bhakti nathaka nimitey India ke charikina dusra desh te jaikina tatey laga citizenship bisarey. Etu nimitey, taikhan para taikhan laga roots(kuntu jag ate jonom hoisey) etu janibole jaruri asey aro taikhan laga desh aro culture ke morom kuribole bi jaruri asey.”
Etu picheyte tai para koisey, “Kunba education board khan para student khan ke Ramayana tu sikhai hoilebi etu ke ekta nijor para banaikina kuwa kahani nisna sikhai.” Etu tu ki asey? Student khan ke etu khan nisikaisey koiley education9pora likha) laga eku matlab nathakibo aro etu tu desh ke seva kora laga kaam nohobo.”
Add Comment