November 23, 2023: November 23, 2023 deh 28 Assam Rifles kan para Anti-Drug Awareness Campaign organize kuri shae Tuensang laka Public Ground deh. Etu event deh Miss Nagaland 2022 Hikali Achumi Special Guest taki shae.
Tai address kura time deh, Miss Nagaland para Assam Rifles kan drug laka against fight kura tho kushi pai kui shae aro taikan keh thanks b kui shae. Hikali para drugs kan tho khali bodun keh heh affect nakureh kui shae, drugs para family aro societies kan b bangai deh kui shae. Miss Nagaland para manu kan kun ahi shae, taikan keh drugs laka against awas uthai b kui shae.
Etu event deh Major Neeraj Goswami para ekta welcome address di shae. Rev. Sangkap, Pastor TTBI para invocation kuri shae, CWS aro TVSU para cultural dance kan kuri shae, Saramati Sisters aro 28 Assam Rifles laka Jazz band para b ekta special appearance d shae. Dr. Senilo para drug awareness deh ekta lecture di shae aro Brigadier Vikram Singh, DIG 7 Sector para vote of thanks di shae
Program kotom nahu time deh Anti-Drug pledge kuri shae aro FREE Bikers Tuensang para ekta Bike Rally organized kuri nah function tho kotom kui di shae
Add Comment