Guwahati, November 24 : Assam te rasta laga connection aro infrastructure ke behtar banabole nimitey, Union Road Transport Minister Nitin Gadkari para rajya te duita dangor road project nimitey Rs 2,185.43 crore poisa bhak kuribole announce kurisey.
National Highway 17 te dangor kuribole aro etu ke 4-lane rasta te bodli kuribole nimitey pura puri Rs 1,338.61 crore sanction kurisey. Etu dangor project tu Chapar Bypass napungcha ageyte Mowatari koikina ekta jaga laga osor para Bilasipara-Guwahati laga Tulungia section taak 26.82 kilometer maan asey. Etu development para Bilasipara aro Tulungia laga majotey rasta laga connection improve kuribole aim kuri asey. Aro enaka kurikina Western aro Lower Assam aro Meghalaya aro West Bengal khan nisna rajya khan te bi pungchibole asan banai disey.
Aro ekta asurit kuridiya move te, National Highway 137 laga Tamenglong-Mahur section ke dangor aro upgrade kuribole nimitey Rs 846.82 crore poisa grant kurisey. Package 7 laga under te, 19.68 kilometre laga duri cover kora te etu project tu EPC mode te khotom kuribole asey. Etu suruwat para NH-27 laga through para Assam laga East-West corridor para Imphal tak rasta laga connectivity improve kuribole tayar asey. Aro Imphal-Kohima ja laga alag rasta aro Silchar-Jiribam-Imphal ja laga alag rasta olai asey.
Dhanyabad janaikina, Assam laga Chief Minister Himanta Biswa Sarma para online te, Prime Minister Narendra Modi aro Minister of Road Transport & Highways, Government of India ke acknowledge kurisey. “Apni khan para amikhan laga jag ate focus kora para 2014 para loikina pura North East rajya nimitey Rs 3 lakh crore laga infrastructure project paikina ahi asey. Etu dangor project khan sanction huwa picheyte etu para amikhan ke Assam ke sobsey bhal rasta dibole laga goal osor te loijabo.”
Add Comment