Guwahati, November 24 : Assam te Uniform Civil Code (UCC) tu February 2024 para lagu hobole asey. Etu tu Assam laga Chief Minister Himanta Biswa Sarma para koisey.
Assam laga CM Himanta Biswa Sarma para koisey ki rajya te UCC lagu huwa picheyte kun manu bi ekta para bisi maiki rakhibole allowed nohobo.
Assam CM Himanta Biswa Sarma para koisey, “Amikhan para Uniform Civil Code (UCC) introduce kuribo. Etu picheyte, judi kun manu para bi aro shaddi kuribole mon jai asey koiley taikhan para first maiki ke kanooni tarika para divorce kuribo lagibo.
Assam laga Chief Minister para etu bayan tu Hyderabad, Telangana laga Charminar te ekta election rally address kora homoitey disey.
Yatey etu janibole jaruri asey ki BJP para Telangana assembly election laga manifesto te rajya te Uniform Civil Code (UCC) lagu kuribole kosom khaisey.
Union minister SP Singh Baghel para etu saal laga first fale dawa kurisey ki India laga Northeast region te uniform civil code(UCC) lagu huwa para eku asar nohobo.
Baghel tu Northeast India laga manu khan ke etu mamla te enaka bharosa dila first manu asey.
Tai para koisey ki BJP tu Northeast laga tribal aro community khan laga culture ke respect korey. Aro BJP para chola sarkar para Northeast manu khan laga marji laga khilaf te jaikina eku kanoon lagu nukuribo.
Tai para koisey, “Northeast laga custom khan ke etu party para respect korey aro amikhan para kuntu dhorom nohoilebi social custom ke hurt nukuribo.”
Tai para enaka koisiley, Northeast laga kunba area khan te Centre para pass kora kanoon lagu nohobo. Jaiseki Assam, Meghalaya, Tripura aro Mizoram laga tribal area khan kuntu ke Constitution of India laga Schedule 6 para bachaikina rakhikina asey.
Add Comment