November 24, 2024 : Ekta meeting loishey, line department/ sectorial department logotey itu Hornbill Festibal 2023 laga celebration kuriboley laga opor tey discuss kuriboley nimitey, kuntu toh hoiley Kisama laga Bamboo Heritage Hall tey para loishey, 24th November, 2023 tey.
Chief Minister – Neiphiu Rio pra tai khushi pawa para express kurishey, kaam khan progress hoa dikhi pai kena, Hornbill Festival 2023 ensue kuriboley. Tai para inform kurishey ki, bishi guest khan addend kuriboley asey, alag country khan laga official khan bhi milai kena, itu Festival tey. Tai para sob concerned khan ke urge kurishey, sincere para saboley alag alag problems khan aru issue khan tey, itu Festival laga success nimitey.
Rio para itu bhi highlight kurishey, sapha saphi rakhiboley nimitey aru jama hoa manu khan ke matishey awareness banaboley nimitey itu Festival tey. Tai para manu khan ke modod kuriboley aru cater kuriboley koishey, tourist khan ke ki lagi asey, tai khan yatey bhal para thakiboley nimitey aru tai khan yatey para jawa homoi tey bhal bhal memory khan bukhi kena jaboley nimitey, Nagaland laga. Tai para business community khan ke bhi matishey, quality product khan bikaboley, ekta competitive price tey para.
Itu Chief Minster para ENPO khan ke appreciate kurishey itu upcoming Hornbill Festival tey participate kuriboley resolve kuria nimitey, itu bar. Tai para eman saal para itu Hornbill Festival celebrate kuri kena aha tey progress kuria laga acknowledge kurishey aru hope kuri asey aru bhi success hoboley, itu festival laga 25th edition tey, kuntu toh hoiley 2024 tey celebrate kuriboley asey.
Add Comment