Jerusalem, 27 November : Ekta Israeli hostage kun ke ekta temporary truce laga part dey chari dishey Gaza Strip dey jaa par ekta chutu escape kurisheh tai laga Hamas captors haat para taikhan ke rakhi thakia building toh collapse hua piche dey ekta barrage homoi, tai laga khantan kuishey.
Roni Kriboy, 25, ekta astorit addition thakishey hostages maju dey kunke Sunday dey chari dishey, 13 mahila aro bacha kun logot kun khan toh pre-agree kurina thakishey Israel-Hamas negotiation dey.
Kriboy laga dual Russian citizenship thakia kuina, Hamas kuishey taike chari dia toh Moscow ke appeeciation dikhawo karney thakishey, duniya laga khali power kun khula para group ke engage kuri asey itia seven-haafta purana war dey thakia homoi.
Alag recover kuria hostage khan nishina, Kriboy ke media para duur rakhishey Israeli authorities para describe kuria hisab dey ekta kosis thakishey taikhan laga physical aro emotional recovery dey motut kuriboley karoney.
Tai laga khantan kuishey Kriboy toh ekta stage haat nishina kaam kuri thakia homoi haari jaishey ekta bahar laga dance party dey kutey armed Hamas infiltrators khan para 364 revellers murai dishey Oct 7 dey, total 1,200 muria maju dey para. Israeli authorities para ek haafta piche dey determine kurisheh ki tai toh 240 manu maju dey thakishey kun ke kabza kurishey.
Kriboy laga aunt, Yelena Magid, kuishey ekta interview dey Israel laga Kan radio logot ki tai para Kriboy ke khota kuishey tai wapis ahia piche dey.
“Tai ke terrorist khan para kabza kuria kuishey, kun para taikhan ke ekta building dey rakhishey kuntu bomb para maarishey,” tai kuishey, Israeli shelling ke refer kurina, haalishey ki tai tatey matha dey jokhum huishey.
Kriboy lagq cousin, Alex Magid, ekta ekj nishina khota kuishey ekta interview dey Israel laga Army Radio ke Monday dey, kuishey ki itu building bomb para maria karoney bishi Palestinian gunmen ke murai dishey.
Six hostages itia tak Gaza dey thakia toh Russian citizenship asey, Israeli government hisab dey.
Add Comment