Imphal, November 27 : Committee on Tribal Unity para November 27 e Kuki-Zo laga kunba area khan e manu khan para mushkil jheli asey koikina economic blockade haaidisey.
Etu Committee para ekta press note laga through para koisey ki etya laga situation ke sa hisap te taikhan para lagisey koiley aro bi rasta block kuribole majboor hobo parey.
Press note para koisey, “Etya laga dynamics para olabole para necessity hisap te, taikhan para rasta laga block kurikina thaka hataidiya tu review kuribo aro lagisey koiley etu ke aro lagu kuribo. Etu Committee para public khan ke eu rasta block kora laga pura homoitey support diya ke bi appreciate kurisey.”
Committee on Tribal Unity Sadar Hills Kangpokpi laga ‘Indefinite Economic Blockade’ tu Manipur te November 21 te suru hoisiley.
Kuki-Zo khan thaka area khan te authority khan para kanoon aro beybosta lagu kora tea lag attiude dikha tu jordar para condemn kurikina, CoTU para National Highway-2 aro 37 te kitya khotom hobo etu najana laga blockade rakhisey.
Add Comment