November 29, 2023: Australia laka Prime minister Anthony Albanese para Indian authorities keh tai laka praise di shae rescue operation tho success hua karne. Etu rescue operation deh Professor Arnold Dix b taki shae, tai tho ekta tunneling expert ase Australia para aro tai etu operation deh kam kura karne pride ase kui shae tai. Professor Arnold Dix para etu tuita hapta laka operation keh sai shae aro success kuri bole mott kuri shae.
“Indian authorities para ekta dangor achievement kuri shae. Australian Professor Arnold Dix para taikan keh motot kura karne proud ase mui,” Mr Albanese para X deh post kuri shae.
Australian High Commissioner India, Philip Green para rescue operation keh praise di shae aro tai para b etu operation tho “dangor ekta achievement” ase kui shae.
Add Comment