Imphal, November 29 : Ekta dangor jankari pa hisap te, Manipur laga plain area te boha sobsey purana armed group, United National Liberation Front (UNLF) para Central Government logotey shanty laga agreement sign kurisey.
Etu mamla tu Manipur te shanti aro stability banaikina rakhibole laga ekta dangor kosis asey.
Etu janibole jaruri asey ki UNLF, Manipur laga plain area te thaka sobsey purana armed group para larayi jhagra charikina mainstream ke join kuribole monjur hoisey.
Home Minister Amit Shah para tweet kurikina koisey, “Ami para taikhan ke democratic process te swagat kuri asey aro taikhan ke shanty aro agey bariya laga rasta fale jaithaka nimitey subhkamna janai asey.”
Add Comment