December 02, 2023 : Itu 61st Nagaland Statehood Day toh hoiley Nagaland Civil Secretariat Plaza Kohima tey para celebrate kurishey, 1st December, 2023 tey.
CM – Neiphiu Rio para koishey, sob effort khan kuri thaka homoi tey, march kuriboley continue kuri thaka homoi tey, development aru progress laga raasta tey, itu Naga Political Issue laga peaceful resolution , kuntu toh hoiley innermost desire thakishey, moi khan manu khan laga, bishi lamba homoi para,itu toh itya bhi top priority tey asey. Rio para sob Naga Political Group khan ke matishey, itu Government of India aru alag stakeholders khan, tarika bisariboley, itu kunba difference ula khan toh, ari ekta peaceful aru early resolution tey punchiboley, itu Naga Political Issue laga.
Rio para koishey ki, address kuriboley aru redress kuriboley itu backwardness laga issue toh, Eastern Nagaland aru kunba alag pockets khan, itu State Government laga, 2003 tey, DUDA Department banai kena thakishey. Rio para aru-bhi koishey ki, jawa 20 saal para itu Central aru State Government khan para toh hoiley pura kusish kuri kena ahishey para tak, itu development deficits khan hatai diboley, itu backward jaga khan tey.
Rio para itu bhi assure kurishey, itu Eastern Nagaland laga manu khan, itu Central aru State Government duita para bhi sai kena kaam kuri asey aru committed asey koi asey, khali itu special measures khan ekla uthaboley karney ekla nahoi, itu backward region toh laga state khan logotey milai jai kena kaam kuribo koi asey.
Add Comment