December 3, 2023: Friday din deh truce kotom hua piche deh Israeli kan para strike kura tho kom seh kom 178 manu keh murai di sahe Gaza laka jaka deh, officials para kui shae. Israel kan para taikan 200 laka upor Hamas targets kan keh strike kuri shae kui shae. Gaza deh taka military kan Israel laka jaka deh rockets fire kura shuru hui shae aro Israel aro Hezbollah laka majo deh b jakara tho shuru hui jai shae.
Sunday din deh Israel laka military para Gaza laka 2nd largest city deh taka manu kan keh evacuate kuri b kui shae taikan offensive shuru kura time deh. Israel kan taikan laka offensive tho Khan Younis laka southern jaka deh kuri bole ase. Taikan para Hamas leaders kan bishi tateh jaka deh lokai nah ase kui shae. Sunday din deh heavy bombing kan hui ase kui nah report kan olai ase.
Saturday din Deputy Hamas Chief Saleh Al-Arouri para Gaza deh ceasefire naha tak prisoners kan exchange nakuri bo kui shae pan-Arab AL Jazeera TV deh.
US kan para Israel kan keh nijor keh restraint kuri b kui shae Palestinian manu kan keh jokom nakuri bo karne. Israel forces kan truce kotom hua piche deh bishi bia para bomb kan kuri ase. Vice President Kamala Harris para b over he bishi innocent Palestinian manu kan murai ase kui shae Gaza deh. Defense Secretary Lloyd Austin para Israel laka moral responsibility ase kui shae civilians kan keh protect kuri bo karne.
Israel kan international calls kan bishi pai ase civilians kan keh protect kuri b aro Palestinian militant group lokot expire hua laka truce tho aro renew kuri b kui nah. Israeli army para Friday din truce kotom hua piche deh 400 laka upor strikes kan kuri shae kui shae. Hamas government para kom seh kom 240 manu muri jai shae kui shae.
Add Comment