Mexico, 4 December : Ekta 26 saal mahina murisheh shark para tai laga theng kamuri dia piche dey kitia tai swin kuri thakishey tai laga 5 saal maiki bacha logot ekta Mexican beach dey, Metro report kurishey. Itu attack Saturday dey huishey, beach para olob jaina Melaque asey, Manzanillo laga seaport para west dey, Rafael Araiza laga hisab dey, local civil defense office laga head.
Itu mahila laga naam Maria Fernandez Martinez Jimenez thakia jani paisheh kun tai laga maiki bacha kogit swin kuri thakisheh kitia taike shark para attack kurishey. Tai khatara thakia jania logot tai laga bacha ke floating platform upar dey uthai dishey taike pachawoley kosis dey. Tai laga kosis kaam thakishey kitia tai laga maiki bacha jokhum huanai juti tai logot paani dey thakishey.
Itu homoi, graphic footage ulaishey kutey Maria maadi dey ghumai thakia dikhi paishey kitia bhui khaina thakia manu khan tai laga osor jaishey. Itu manu khan haala kuri thakia huniwo parishey ki: ”Tai laga theng harishey” kitia taikhan emergency responders khan ahiwoley rukhi thakishey. Juti rescuers khan julti ahishey, tai khoon haria karoney muri jaishey tai laga theng dey dangor jokhum karoney.
Civil Protection kaam kuria khan aro firefighters khan Cihuatlan laga municipality dey, kuntu Melaque Beach ekta part asey, kuishey, ”Muikhan laga official khan support activities kuri thakishey ekta swimming event thakia homoi kitia taikhan khobor paishey ekta manu laga kun samundar para ulawoley dukh pai thakishey. Kitia taikhan itu jagah pahunjishey taikhan para dikhishey ekta mahila kun lifeless thakishey ekta theng nathakina, ekta shark attack hua piche dey.”
Itu ghatna piche dey, local authorities para ekta warning dishey locals aro visitors khan ke paani laga bahar thakiwoley. Organisers para ekta swimming race suspend kuri dishey kuntu eki paani dey thakiboley thakishey. Taikhan para Melaque aro Barra de Navidad dey beach khan bondh kuri dishey.
Cihuatlan laga municipal government kuishey ekta sandesh dey, ”Muikhan laga ekta beach dey itu biya ghatna hua piche dey, muikhan laga priority toh muikhan laga citizens laga suraksha aro wellbeing asey. Itu karney muikhan ekta precautionary measure luishey ban kuriboley beaches khan dey agey notice nadia tak. Muikhan thik authorities khan logot collaborate kurina kaam kuri asey itu situation evaluate kuriboley aro beach dry savdhani rakhiwoley necessary measures luwoley.”
Add Comment