Pembrokeshire, 4 December : UK dey ekta couple asorit lagishey kitia taikhan ke kuisheh ekta unexploded missile thakishey kuntu taikhan garden ornament nishna rakhi thakishey itu toh ekta live bomb thakishey.The Guardian hisab dey, Sian aro Jeffrey Edwards, Milford Haven, Pembrokeshire para, phabisheh itu toh ekta “dummy” bomb thakisheh eku charge nathakina. Ms Edwards kuishey tai tatey tai laga trowel mari thakishey maadi hatawoley gardening piche dey. Itu couple ke ekta policeman para Wednesday dey khobor dishey kun kuishey tai Ministry of Defence ke janai diwo lagibo.
“Mui bomb disposal unit ke kuishey : ‘muikhan itu ghor nacharibo, muikhan yatey thakibo. Jutu itu upar jailey, muikhan bhi itu logot jawo’,” tai agey dey kuishey.
BBC para report kurisheh ki itu bomb ke ekta disused quarry dey lui jaishey Walwyn laga Castle dey, five tonnes baluu dey dabaisheh aro detonate kurishey. Bomb disposal squad khan test hua para dikhaisheh ki itu live bomb bishi komti charge thakishey.
“Muikhan pura raati ekbar bhi ghumanai. Itu para muikhan ke six karneg rakhishey,” Mr Edwards, 77, kuishey The Guardian ke.
“Ekta purana saathi thakishey. Afsos asey itu purana cheez ke pieces dey phodai dishey,” kuishey Mr Edwards, kun itu raasta dey thaki asey tai 3 saal hua homoi para.
Metro kuisheh ki itu bomb toh 19th century laga asey.
Mr Edwards kuisheh taike itu samaan laga history kuishey Morris family para, kun itu ghor laga malik thakishey aro itu bomb 100 saal agey dey paishey. Mr Edwards aro tai laga maiki itu ghor 1982 dey kinishey.
“Royal Navy karney Warship khan St Brides Bay dey girai thakisheh aro Broad Haven phaney pandook mari rakhishey,” tai kuishey BBC ke.
“Taikhan baluu julai thakishey target practice karney. Taikhan thik janiwo mun thakishey balu dey kun bhi nai,” Mr Edwards kuishey.
Mr Edwards kuishey itu bomb dey chenta thakia toh podai dina thakishey, flower pots logot itu cover kuriboley.
Add Comment