France, December 7, Next year laga 48th Copa America edition jintu tey 10 South American nations aro 6 North American teams compete kuriwoley asey, etu event toh 14 venues tey thakiwo 10 US state tey, enika organizers Han bara janai dishey
South American governing body CONMEBOL bara janai dishey ki etu tournament laga opener toh Mercedes-Benz Stadium, Atlanta June 20 tey khiliwo aro Final toh July 14, Hard Rock Stadium Miami Gardens tey khilwo. Monday tey CONMEBOL bara janai dishey ki AT&T Stadium Arlington,Texas, NRG stadium Houston, State Farm stadium Glendale, Arizona and Allegiant Stadium Las Vegas, Nevada, Han bara quarter finals laga matches host kuriwo.
Semi finals toh MetLife stadium New jersey aro Bank of America stadium Charlotte, North Carolina tey khiliwo enika janai dishey.
Group matches Han toh June 20 bara shuru huikena July 2 Tak thakiwo. Quarter finals toh July 4-6 thakiwo aro semi finals toh July 9-10 thakiwo. Third place toh July 13 tey khiliwo enika janai dishey.
Add Comment