December 9, 2023: Gaza Strip laka jaka deh Israel kan taikan laka strikes uthai di ase aro itia nutun phase laka war deh ekso laka upor manu kan keh murai di shae. Saturday din deh Israel forces kan para Southern Gaza laka Khan Younis deh bomb kura tho kom seh kom tostha manu keh murai di shae. Taikan bomb tho ekta kandan laka ghor deh kui shae.
Israeli military laka isap deh taikan para Gaza laka mati, asma aro pani laka jaak deh 540 laka upor targets keh strike kuri shae 24 hours laka pitor deh. UN Secretary-general Antonio Guterres para Gaza laka ekta jaka b civilians karne safe nahoi kui shae.
Friday din Gaza deh phat humanitarian cease-fire demand kura laka resolution forward kuri shae aro etu resolution tho bishi wak sob Security members para support kuri shae. United States para etu UN Resolution tho veto kuri di shae.
Friday din World Health Organization laka dozen nishi nah members kan ekta draft resolution submit kuri shae. Etu resolution tho Israel kan keh international law laka pitor deh Gaza deh taka humanitarian workers kan keh protect kuri bole laka obligation tho respect kuri b kui ase.
Reuters laka report isap deh Ira-backed Lebanese group Hezbollah laka teentha member muri jai shae kui shae ekta Israeli drone southwest Syria deh strike hui jah tho. IDF para aro taikan Lebanon deh taka ekta manned Hezbollah observation post strike kuri shae kui shae. Israel military para taikan anti-tank missile lunach site deh operatives laka group ekta identify kuri shae kui shae kute para agae deh hamla tho conduct kuri shae.
Add Comment