Guwahati, December 10 : Ban hoikina thaka atangwadi group United Liberation of Asom- Independent (ULFA- I) para rajya te aro hamla kuribole laga dhomki disey aro Assam Director General of Police GP Singh ke tailaga phutani tu hatabole koisey.
Etu atangwadi group para ekta kara para kotha kora press release te Tinsukia laga Dirak Army camp aro Sivasagar laga Jaisagar CRPF camp te barud para hamla huwa laga zimidar taikhan asey koikina dawa kurisey aro GP Singh ke Assam Police ke tailaga purwaj laga property nisna nocholabole laga warning disey.
Etu atangwadi group laga Assam Police laga khilaf te eku dushmani nohoilebi biya bhabna nai koisey kilemaney Assam police te kaam kora khan tu rajya laga chokra khan asey. ULFA- I para GP Singh ke Assam Police laga opor te haak najamabole koisey aro tailaga phutani tu hatabole koisey nohoisey koiley taikhan para aro barud laga hamla kuribole dhomki disey.
Add Comment