Arunachal Pradesh laga indigeneous bhasa laga script banabole laga kaam chuli asey

Itanagar, December 13 : Arunachal Pradesh laga sarkar tu rajya laga indigeneous bhasa khan laga script banabole kaam kuri asey. 

Etu jankari tu Arunachal Pradesh laga Chief Minister Pema Khandu para disey.

Arunachal Pradesh laga CM Pema Khandu para koisey ki rajya laga sarkar para rajya laga indigeneous bhasa khan te importance di asey.

Khandu para koisey ki Arunachal Pradesh laga sarkar tu rajya laga bisi alag alag indigeneous bhasa khan laga script banabole nimitey kaam kuri asey.

Tai para koisey ki indigeneous bhasa laga script bana para baccha khan ke taikhan laga mother tongue(bhasa) sikhibole modod kuribo aro taikhan laga roots logotey jurikina thakibo.

Khandu para koisey, “Arunachal Pradesh laga sarkar tu rajya laga sob indigeneous community khan laga culture aro bhasa khan preserve kurikina rakhibole commited asey.”

Etu opor te tai para koisey: “Khampti aro Monpa khan tu naseeb bhal asey ki taikhan logotey taikhan laga nijor script asey kuntu tu etya school khan te sikhai asey.”

Arunachal Pradesh laga CM para koisey, “Amikhan tu etya script khan banabole nimitey community based organization logotey kaam kuri asey, aro parisey koiley, baki community khan nimitey nohoilebi amikhan laga baccha khan tu amikhan laga roots logotey hodai nimitey  jurikina thakibole nimitey indigeneous bhasa sikhabole karney Roman script cholabo parey.”