Shillong, December 13 : Meghalaya laga Shillong traffic police department para Wednesday (December 13) te 181 maan modified silencer barbad kuridisey.
Shillong Police para etu modified silencer khan ke barbad kora tu police department para anti-vehicle modification kanoon lagu kuribole kosis kora laga hisa asey.
Etu barbad kuridiya 181 modified silencer tu Meghalay alaga Shillong police department para August 2023 para etya tak china laga asey.
Etu operation tu Shillong laga Police Reserve te East Khasi Hills laga SP Sylvester Nongtnger, SP City Vivek Syiem, SP Traffic K Prasad aro alag khan para kurisey.
Meghalaya laga East Khasi Hills district laga SP Sylvester Nongtnger para koisey ki Shillong traffic police tu juwa saal para kaam kuri asey aro modified silencer chola te rokh lagabole nimitey etu saal laga January moina para taikhan laga operation tu aro jordar kuridisey.
320 case te, 181 modified silencer ke chiniloisey.
Suru te etu silencer(bunduk chola homoitey awas naolabole nimitey dhala saman) laga malik khan ke bunduk para etu modification khan hataidibole request kurisey hoilebi bar bar check kuri thaka para bunduk te silencer dhala laga illegal kaam tu aro suru kurithaka paisey.
Etu nyom bhanga manu khan laga opor te jurmana bi lagu kurisey aro etu saal ekla te, pura puri Rs 12,46,500 fine jama kurisey.
DSP G Marngar para koisey ki etu fine laga poisa khan ke sarkari checker, state treasury te deposit kuridisey.
Add Comment