December 13, 2023: Hollywood actor Hugh Grant recently The Tonight Show deh ahi shae kuteh tai South Korean girl group Blackpink keh kushi pai kui nah admit kuri shae. Host Jimmy Fallon kun tai nijo b ekta dangor K-pop fan ase aro K-Pop group kan khe host kuri shae taila show deh, tai para Grant laka viral tweet deh question hudi bole ruki bole para nai. Hugh Grant Jua sal deh ekta tweet banai shae Blackpink keh mention kuri nah. Manu kan kun najane taikan karne ase, Wonka starring Hugh grant aro Timothee Chalamet tho December 15 deh release hobo leh ase.
Renowned TV show deh aha time deh, host Jimmy Fallon para Hugh laka tweet deh question hudi shae. Etu tho actor laka frist time nahoi tai kushi pai kui nah kwa tho. Tai openly nijor keh “rapid blink” ase koi aro tai July mohina deh taila bacha lokot ekta Blackpink gig deh jaishae.
Hugh para agae deh etu tweet kuri shae,” Etu eleven sal laka bacha kan keh bishi grateful ase mui keh Blackpink sab oleh lui jah karne. Mui itia rabid Blink ase. Muila heart hammer lokot gumai shae mui.”
Jimmy etu tweet deh huda time deh, Tai kushi para,” I love blackpink” kui shae. Tai para tai tho Born Pink laka world tour performance sah time deh group tho kushi pah shuru hui shae kui shae. Wonka star para taila bacha ekta light stick duri nah dance kura dika tho shock deh taki shae kui shae. Tai nijor b absorbed hui jai shae kui shae.
Add Comment