Tokyo, 14 December : Wrestler Bajrang Punia, kun bronze medal jitishey India karney Tokyo Olympics 2020 dey, kuishey ki National Anti-Doping Agency (NADA) para expired aro outdated equipment julai thakishey dope tests conducted kuria homoi athlete khan ke. Ekta video dey kuntu tai social media dey post kurishey, Punia para dikhaishey ki taike NADA officials para visit kurishey ekta test karney huilewi samaan khan toh taikhan laga expiry date par huina thakishey. Itu wrestler para dikhaishey ki syringes aro vials kuntu officials para dhuri thakishey aro ekta request panaishey authorities ke itu matter andar dey sawoley. Tai para NADA ke tag kurishey tai laga social media post dey itu pura video logot.
“Itu toh ekta bishi important video asey muikhan sob karney sawoley aro consider kuriboley. Kinika system ke trust kuribo kitia procedures thik para follow nakurey. Kinika ekjun para ensure kuribo paribo ki itu pura process dey eku manipulation nai? Itu toh kun logot bhi huwo parey, especially junior athletes ke. Morom para nijor laga rights janina thakibi aro doping upar dey laga procedure. Muikjan authorities ke lagia action luwoley urge kuri asey aro athletes ke request kuri asey alert thakiboley aro utmost caution exercise kuriboley inika procedure khan dey,” Punia likhishey X (formerly Twitter) dey.
