Guwahati, December 14 : Ekta asurit kuridiya ghotna te, 3jun school ja chukri para chowmein te janibujikina jeher mix kora picheyte etu khaisey, kuntu te ekjun chukri murisey aro baki duijun chukri hospital te admit kurisey.
Etu ghotna tu December 8 te Assam laga Baska district laga Salbari jag ate hoisey. Jitya etu 3jun chukri kun laga umar 13-14 years laga majotey hobo, taikhan para school picheyte ja tution center laga blackboard te biya kotha likhisey.
Next din te, ekjun student para etu 3jun chukri para blackboard te enaka biya kotha likhisey koikina taikhan laga naam koidisey aro etu picheyte teacher para etu 3jun chukri ke tailaga samne te ahibole order disey. Etu picheyte, etu chukri khan ke taikhan laga harkat nimitey gali khaisey.
Etu laga jawab te, etu 3jun chukri tu osor fale thaka Kalpani bazaar laga ekta local fast-food store(kha luwa bustu pa dukan) te jaisey kotey taikhan para janibujikina taikhan laga chowmein te ekta jeher thaka bustu mix kurisey aro khaisey.
Etu kha picheyte, etu chukri khan tu biya para bimar hoijaisey aro picheyte taikhan ke urgent ilaj kuribole nimitey Gauhati Medical College Hospital (GMCH) te admit kuridisey.
Dukh laga kotha tu ilaj chuli thaka homoitey ekjun chukri murijaisey.
Etu homoitey, school laga authorities khan para etu ghotna huwa opor te etu koikina asurit jataisey ki etu chukri khan para eku tarika laga bi dukh nohoile pressure jhelanai ki taikhan enaka bhayanak kadam uthabo.
Etu chukri khan laga pehchan tu taikhan laga umar ke saikina janai nidikina asey.
Etu picheyte local police khan logalog jag ate pungchikina etu mamla te investigation suru kuridisey.
Add Comment