KOHIMA, OCTOBER 24 : “Main Nahin Hum” Portal aro App laga naam pora Prime Minister Narendra Modi pora ekta din manabole kurikena manaise. Etubi NIC Civil Secretariat Kohima te 24th October 2018 te. Etu din te PM Modi toh IT aro Electronic Manufacturing Professionals kan India desh laga sob logot etu October 24th 2018 te kotha kurise koise.
Etu din te Nagaland state kan bi hisha kurikena thakise. Aro etu NIC Portal (hhtp://pmindiawecast.nic.in) pora Webcast kurikena Video Conferencing aro Live Telecast mana ke sai thakise koise (witnessing). NIC kan porabi sob District Centres kan DC’s Office te melekena thaka aro State Centre, Civil Secretariat Kohima te thaka te etu Services manai kena thaka kan sob ke motub kurikena thakise koise.
Etu Portal toh “Self 4 Society” theme hisabte kam jula laga chis ase. Aro etu pora IT Professionals aro alak-alak Organisations kan ke ekta nemite hi anede kena ekta Social karne bhal kam banaidebole aro anedebole kura hobole ase. Aro etu Portal porabi Weaker Section Society ke etu Service toh bhal te manaide kena ahkete anedebole karne ase. Etubi Technology kan bhal pora anede kena.
Etu din te PM Modi pora IT aro Electronic Manufacturing Organisations laga Professionals aro Employees kan aro tusera kan chama kurikena thaka ke kotha kurise. Etu oporte tai bi Town Hall New Delhi te chama kurikena thaka kan ke kotha kurise koise. Aro etu Video Conferencing kurikena etu din mana toh 100 ta jaka kan India desh laga pora mani kena thakise koise.
Etu din mana toh YouTube te bi thalidese aro Live pora dekhaidebole kuri kena thakise. Aro etu Video toh YouTube te thala toh India desh laga manu kan 5 lakh jun pora sai kena thakise koise. Aro etu ke PM Modi bi Infosys Limited Bengaluru, Tech Mahindra Hyderabad aro tusera kan ke etu Videoa Conferencing pora kotha kurikena thakise koise.
Add Comment