Shillong, December 14 : Meghalaya laga sarkar para ek saal bhitor te hobole thaka national games nimitey rajya laga sports infrastructure(subidha khan) tayar kuri asey.
Bisi bhal sports infrastructure(subidha khan) tu ahibole thaka national games karney tayari kuribole nimitey nutun bana laga asey.
Meghalaya laga Chief Minister Conrad Sangma para Shillong te media khan ke jankari di thaka homoitey koisey ki national games laga tayari tu thik rasta te chuli asey.
Meghalaya CM Conrad Sangma para koisey, “Amikhan tu thik rasta te jai asey kilemaney amikhan laga stadium khan tu etya tayar hoi asey aro apni para aha 6 moina para loikina 12 moina tak te sports laga pura puri infrastructure(subidha khan ) te dangor bodli aha dikhibo.”
Etu Chief Minister para agey barikina koisey ki rajya laga sarkar para Meghalaya games ke kamyab hoikina conduct kuribole nimitey eku kasar nacharikina asey.
Tai para koisey, “Tayari khan tu thik rasta te chuli asey, stage hoilebi nohoile alag saman khan supply kuribole lagiya la jarurat thakisey koile bi, amikhan para detail te discuss kurisey aro sob laga tayari chuli asey aro national games nimitey homoitey tayar hoijabo lagey.”
Etu Meghalaya Chief minister para etu bi janaisey ki rajya laga sarkar para joldi hi rajya te stadium banabole nimitey poisa sanction kuribole asey.
Meghalaya laga CM para enaka koisey, “ Amikhan para pura rajya te already enaka 40 infrastructure(subidha) shortlist kurisey kuntu nimitey kaam tu bisi joldi suru hobole asey.”
Etu homoitey, Meghalaya laga CM Conrad Sangma para announce kurisey ki Nongkseh te stadium aro football ground banabole nimitey Rs 2.1 crore poisa sanction kuribo.
Add Comment