Imphal, 16 December : Manipur Chief Minister N Biren Singh para Saturday dey kuishey ki refugees khan kun state dey shelter luwoley ahey, taikhan Manipur dey bosti khan napanawo lagey.
Tai kuishey, “Ekta bhaal diplomatic rishta maintain kuriboley bishi important asey neighbouring desh khan logot. Muikhan khali Myanmar refugee khan ke state dey bosti napanawoley kui asey.”
Itia tak 4,100 Myanmar refugee khan nishna Manipur border districts, Kamjong, Ukhrul, aro Tengnoupal laga alag relief camps dey shelter lui asey Myanmar dey war nishna situation thakia karoney.
Vijay Diwas (Indo-Pak War 1971) laga observance dey chief guest nishna khota kuina, Imphal dey Saturday, CM para kuishey ki kosis khan kuri asey Kamjong aro Ukhrul jagah dey biometrics chulaina concerned District Commissioners andar dey.
Tai kuishey ki security forces para Manipura laga Churachandpur district dey Behiang nishna jagah khan ke neglect nakuribo lagey kuntu Myanmar logot border kuri asey ari serious para luwo lagey aggressive fighting laga reports hisab dey neighbouring desh dey.
Tai agey dey express kurishey, 3ki nishina aro thik camps khuliboley biometric aro civil police teams logot alag border areas dey.
Tai agey kuishey, “Muikhan humanitarian assistance maana kuribi naparey taikhan ke kun taikhan laga desh para pulai asey violence karoney aro muikhan taikhan karoney dawai aro tents khan provide kuri asey, huilewi muikhan taikhan ke biometric data luina indentify kuribo lagey aro temporary shelter diwo lagey.”
Add Comment