TMZ.com laga khobor hisaab te Queen of hip-hop’s laga chamela toh khotom huwa nishena hi ase .Nicky Minaj ke legendary singer Tracy Chapman pora sue kurishe copyright infringement nimete .Chapman etia Minaj laga piche jai ase tai pora koishe etu rapper pora Chapman’s iconic song, Baby can I hold you chor kurishe koikena.Chapman koishe Minaj aro tai laga representative bishi binti kurishe June 2018 te etu ganaa ke license dibole nimete etu toh Tracy pora mananai.Nicki pora aro ekta statement tai album Queen rukhabole ase kile koile tai rukhi ase Tracy manibole nimete Baby Can I Hold you chulabole nimete rights pabole kanrne .Tracy namani kena bi Nicki pora tai laga track olaidishe –Sorry chapman laga verse logote August 2018 te .Suit hisaab te Funkmaster Flex pora sorry play kurishe Hot 97 te aro bishi internet chula manu khan etu ganaa share kurishe .Etu toh The Breakfast Club with Charlamagne Tha God te bi chulaishe .Utu din etu track chula time te Nicki koishe “Didi pora nai koishe .etu lawsuit hisaab te Chapman pora manainai .Hoilebi Nicki aro tai laga crew pora etu ganaa olaishe queen pora harijabole nimete hoilebi Tracy koishe etu damage toh hoishe .Tracy pora order sue kurishe etu pora Nicki aro tai laga team ke etu ganaa olabole nadibole nimete .
January 11, 2025
World's First and Only Nagamese Newspaper
Add Comment