Russia pora first Soyuz Rocket olaise

Moscow, 25 October: Thursday din Russia pora first time Soyuz rocket toh ektum phal pora olabole parise. Etu agae October 11 time deh, tai khan International Space Station (ISS) rocket toh olabole na-pari kena fail howah thakise. Russian defence ministry pora kowah toh, Thursday 03:15 (0015 GMT) time deh Russian military nemide satellite bokhi kena thaga Soyuz-2.1B rocket toh ektum phal pora olabole parise.  Minister hesab deh, orbit deh satellite toh bonai deya thek timing deh ponjise. Russia’s space agency chief Dmitry Rogozin pora Twitter deh lekhi kena thaga toh, October 11 deh napara bechide Soyuz family laga rocket etu par ola toh first time ase.