Srinagar, 26 October: Friday deh army spokesperson pora janaideya hesab deh, Thursday din Jammu and Kashmir Anantnag bypass tri-junction jaga deh protesters khan pora pathor phela karni ekta soldier moraidese. Etu mora soldier toh 22-sal Rajendra Singh ase.Tai toh Border Roads Organisation deh security kori thaga ase. Amry official pora kowah deh ANI pora khobor janaideya toh, Mr Singh toh hatsa howah time deh serious jokhom paise aro tai ke medical shaa bechide be morise. Tai aro kowah toh, jokhom powah sat-sat Rajender Singh logode joldi motob korise aro tai ke 92 Base Hospital deh loijaise. Uttarakhand’s Pithoragarh, Badena jaga laga Mr Singh toh army deh 2016 time pora join howah ase.
April 26, 2026
World's First and Only Nagamese Newspaper
Add Comment