January 03, 2024 : Chenmoho Students Union aru Assam Rifles, Mon, (Nagaland) khan milikena organized kurishey important event, theme thakishey ‘Change for the Better Tournament’. Itu theme loikena focused kurishey Drugs ke khotom kuriboley aru life tey success aneboley. Itu event para promised kurishey sportsmanship, educational initiatives aru cultural celebrations Khan promote kuriboley.
Community khan iki logo ayeshey, aru athlete’s khan mota aru maiki khan ready asey itu volleyball aru athletics events tey participate kuriboley. Itu events toh focused kurey community majetey healthy lifestyle promote kuriboley karney.
Itu event tey emphasized kurishey keneka sports event khan toh beyond competition asey, itu tournament featured kurishey experts khan laga insightful talks khan, aru drug abuse khan ke khotom kuriboley collective effort milikena. Itu competition toh community khan karney ekta opportunity asey, learn kuriboley, milikena kaam kuriboley aru drug-free future banaboley.
Assam Rifles aru Chenmoho laga Students Union khan milikena impact ekta rakhishey community tey awareness aru positive changes aneboley, phal lifestyle aru drug free future banaboley. Itu event tey nearly 500 manu attend kurishey, aru itu para evidence tikhai ki kitya communities khan milley, kitya shoulder para shoulder milikena khara kurey, sob impossible takha kaam toh possible hoijai aru easily achieve kuriboley parey.
Add Comment