Nagaland Governor, Shri PB Acharya toh NITTE University, Mangaluru te Award diya Programme mana te jabole ase. Etu ke etu University pora 2 jun bhal Social Workers kan North East laga ke Award debole ase. Etubi Honoris Causa koi kena 26th October 2018 te mana time te. Etu 2 jun manu Award babole laga toh Shri Latsam Khimun koi kena Arunachal Pradesh pora ase aro Shri Ramkui Jeme koi kena Assam pora ase koise.
Governor Acharya bi Moodlakatte Institute of Technology, Kundapura, Karnataka te 27th October 2018 te Chief Guest nemite jabole ase koise.
Raj Bhavan Kohima te Governor ke Moodlakatte Institute of Technology laga Chairman Shri Sidharth Shetty pora matise. Aro tai North East NAMASTE States kan laga Students ke Engineering aro MBA jaka nemite motub kuribole (sponsor) janaise (assured). Etu ke tai Students kan toh khalo bhaat nemite hi poisa debole lagi koi kena janaise.
Governor Acharya bi India International Centre’s Annual Festival “Experiencing North East” te jabole ase. Etubi New Delhi, 29th October 2018 te. Aroe tu din laga Programme te ki-ki manabole kan toh Evening of Classical Piano aro Vocals koi kena Nise Meruno pora kuridebole ase, food festival, film screening aro traditional dance aro music kan dekhabole ase koise.
Add Comment