January 6, 2024: Pakistani Muslim cleric keh din deh heh goli mari nah murai di shae capital Islamabad laka jaka deh, police para kui shae. Najana manu para tai keh goli mari nah murai di shae aro taila driver keh b jokom kuri di shae Ghauri town laka osor deh. Etu hua piche deh Rehman Usami laka funeral lui shae, Islamabad police laka isap deh.
Kun b etu hamla laka responsibility tho lua nai hoile b police para taikan CCTV footage chui nah attackers kan keh bisari bo kui shae. Taikan keh arrest kuri bo aro justice ani bo, police para kui shae. Islamabad laka authorities kan para additional police kan patai nah security tho uthai di shae. Kun bah embassies para taikan laka nationals kane keh jaka tho avoid kuri b kui shae kuteh funeral tho lui ase.
Masood Rehman Usmani tho ekta deputy secretary ase taila Sunni Ulema Council deh. Pakistan para Sipah-e-Sahaba extremist group keh outlaw kura piche deh etu council tho olai shae. Taila funeral deh manu kan Shiites aro Iran laka against slogan kan kui taki shae.
Add Comment