January 9, 2024: Tuesday din deh South Korea laka Parliament para ekta bill pass kuri shae kutha mangso laka sale aro consumption tho prohibit kuri bole. Etu kuri century purana practice tho kotom kuri di shae. Society itia tho animal welfare laka mamla deh bishi change hui shae aro etu move para dikai deh ase. Koreans kan bishi kutha keh kandan manu nishi nah sai aji khali.
Kutha mangso tho stamia boost kuri bo karne kai taki shae humid Korean summer time deh. Hoile b itia tho kutha mango kha tho nami jai ase time lokot deh. Itia tho etu laka practice bura manu kan heh kuri taki shae. Manu kan bishi etu practice keh criticize kuri taki shae kutha kan keh kinaka murai deh laka mamla deh. Etu criticism karne practice tho decline hua shuru hui jai shae.
President Yoon Suk Yeol tho janwar kan keh kushi pai kui nah manu kan bishi janeh. Tai choitha kutha aro atha bile kan adopt kuri nah ase First Lady Kim Keon Hee lokot deh. Tai bishi vocal ase doh meat consumption laka against deh aro etu karne ban deh bishi support uthi taki shae.
Add Comment