January 11, 2024: Moreh town deh itia security situation bia hui nah ase aro Security forces laka against hamla kan b hui ase aro Lt. GEN PC Nair, Director General Assam Rifles etu diki nah Moreh town visit kuri bole ahi shae 10 January 2024 deh. Sect Cdr Brig V P Yadev para Gen Nair keh itia laka security situation kinaka ase, taike kui shae. DGAR tho Civil Society Organization laka members kan lokot mili shae. CSO leaders kan kun meeting attend kuri shae, etu kan laka nam etu ase: Hill Tribe Council, Kuki Students Organization, Kuki Womens Union, Human Rights Moreh, Kuki Inpi Tengnoupal, Tamil Sangam, Gorkha Samaj Samiti and Manipur Muslims Council.
Moreh township kuto Indo-Myanmar border deh ase Indian side phaleh Manipur deh, jua hapta December 2023 para violence kan bishi deki ase. GEN Nair para Moreh town tho taikan laka cosmopolitan nature karne Manipur laka alak towns kan lokot bishi alak ase kui shae. Kuki, Meitie, Naga, Tamil, Pangal, Gorkha, Sikh aro alak communities para aha kan tho bishi decades karne shanti para bui ase. Etu jamala kuto atha mohina agae deh shuru hui shae, etu para bacha kan aro youth laka lives kan bishi affect kuri shae. Taikan laka future tho stake deh ase aro violence naru kai leh eku alak eku option nai kui shae DG para. Tai para duk kan sob sabo aro puri bo kui shae hoile b etu tho Moreh laka manu kan karne ase especially maike kan kun peace wapas ahi bole act kuri ase.
Tai para sob civil society groups kan keh manu kan kun weapons lui nah birai ase taiken keh Central Security Forces b thik manner para wapas jawab dibo ku b kui shae taikan keh. Manu kan sob peace wapas ani d bole mun jai aro etu karne etu kuri bole sob manu laka responsibility ase.
Add Comment