January 13, 2024: Saturday din deh India para ekta strong protest lodge kuri shae UK lokot deh. British envoy ekta Pakistan-occupied Kashmir (PoK) laka jaka deh visit kura karne etu complain tho lodge kura ase. India para etu tho country laka territorial integrity keh infringe kuri ase kui shae.
Jane Marriott, Pakistan deh taka British envoy tho January 10 deh PoK deh taka Mirpur deh jai shae. Tai tateh jai nah business manu, local community laka members aro government officials kan lokot deh meetings kan bishi lui shae.
External affairs ministry para ekta statement deh Indian side tho etu “ highly objectionable visit” kuto Marriott aro ekta UK Foreign official para lui shae PoK deh, etu tho serious para lui shae kui shae.
“India laka sovereignty aro territorial integrity keh enaka infringe kura tho unacceptable ase,” statement para kui shae. Foreign secretary Vinay Kwatra para ekta strong protect lodge kuri shae Alex Ellis, India laka British high commissioner, lokot deh etu infringement karne.
Add Comment