DIMAPUR, OCTOBER 26 : Food Safety Team kan Kohima Municipal Council Officials kan logot eke pora October 11 te Kohima jaka te ki-ki saa-baji kura (inspection|) manaise. Etu time te M/S Best Bakery, PR Hill te thaka laga malik (Proprietor) Anam Uddin pora saman bekabole darek bar huijaa (best before date) bekai kena baise koise.
Etu nahua saman kan baise aro etu nemite malik ke khilaf kurikena Form II hisabte anedese. Etubi Food Safety & Standards Rule 2.3.1 laga bitorte.
Chief Medical Office & Designated Officer, Dr Ritu Thurr pora koa hisabte etu nahua chamala toh Section 27 (3) (a), Food Safety & Standard Act, 2006 bitorte naam te ahe kena ase. Etubi Section 36 (e), Food Safety & Standards Act, 2006 bitorte lekhe kena thaka hisabte. Etu karne etu chamala toh Food Safety Officer ke etu Malik ke thik pora husir laga action manaidebole karne dede kena ase koise.
CMO porabi Kohima te thaka Food Business Operators kan sob ke etu nesena nahua chamala nemite husir thakibole janaise. Nahuile etu nesena thuri baise koile tai kan thik pora husir laga action lobo koi kena janaise. Aro saman kina (consumers) kan kebi etu saman kinna time te etu saman biya hobole laga darek toh bar huijai kena ase na nai etu sabole kuribi koi kena husir janaise.
Add Comment