DIMAPUR, OCTOBER 26 : Principal Accountant General (A&E) Nagaland laga Office pora khobor te State Sorkar Officers/Officials kan retire huijaa kan ke Pension aro GPF Final Payment cases kan September 2018 laga toh neju-neju (Concerned) Department te dede kena ase. Aro etu dediya khobor kan toh PAG Nagaland Website te bi thalide kena ase koise. Etu karne Pensioners kan etu Office Website kobi www.agnagaland.gov.in te kusi kena aro jai kena sabole bari koise. Etubi Facilitation aro Penion nahuile GPF Facilitation te click kuri kusi kena. Aro etu khobor kan toh Public Relation Cell te bi ulaide kena ase. Etu karne etu khobor sabole karne etu Office khola time tea he kena sabole bari koise.
Chuti etu Pension nemite kunbi diktar huikena thakile nahuile etu Pension nemite naam te nathakile nahuile tusera chamala thakile etu Pensioners toh kakus ke kotha lekhe kena Deputy Accountant General (A&E) Shri Kahoto J Yepthomi ke shita debole bari. Etubi mail pora lekhe kena kahoto_j@yahoo.co.in nahule agaenagaland@cag.gov.in nahuile neju laga haat pora kakus te lekhe kena debole bari koi kena janaise.
Etu PAG Office porabi khobor te khali Wednesday din hi chari kena tusera sob din te toh Public Interview manibole nemite hi ene khola ase koi kena janaise. Aro etu Public Interview toh 11:00 am paji pora suru kurikena 1:30 pm dak ase koise.
Add Comment